Innarluutillit Ulluanni nersornaasiisoqassaaq
03. december 2004 07:22
Ullumikkut ulloq FN-ip innarluutilinnut ulloraa, nunatsinnilu immikkut qulequtaritinneqarpoq: Nalittut Pisannga.
Innarluutilinnut sulissutiginnittut, peqatigiiffiit kommunillu
qulequtassarsiornermi siunnersuutaat tunngavigalugit qulequtsiisoqarpoq.
Innarluutillit inunnit allanit immikkut isigineqarnatik inuttulli allatut isigineqarnissartik kissaatigisarsimammassuk qulequtaq piukkullugu aalajangiunneqarsimavoq.
Ullormik malunnartitsiniarlutik saaffiginnissimasunut katillugit 154.000 kr.-it agguaanneqarsimapput. 65.000 kr.-it kajumissaasiinermut atorneqassapput, malunnaatilimmillu suliniutillit illoqarfinni allaneersut siunnersuuteqaqqullugit kajumissaaserneqassapput.