Siornamut sanilliullugu ukioq manna HIV-mik tunillanneqarsimasut ikileriaateqarsimagaluartut kisitsisit suli qaffasipput, maannakkummi 60-it katsorsarneqarmata.
Katsorsaariaatsit nutaat inuunertunerulersitsisinnaapput. Dronning Ingridip Napparsimaviani nakorsaatinut immikkoortortaqarfimmi nakorsaaneq Karin Ladefoged HIV-mik tunillanneqarsimasunut katsorsaanermik akisussaasuusoq oqarpoq katsorsartinnissamut periarfissarissaqarnerulersimasoq. Taamaalillutik HIV-eqartut AIDS-eqalersinnaaveersaarnissaannut inuunertunerulersinnissaannullu periarfissat pitsaanerujussuanngorsimallutik.
-HIV-imik tunillanneqartut tarnikkut erloqisarput, tuparujussuarlutik, kanngusullutik, avatangiisiminnullu mattuttarlutik. Napaateqalersimanerup akueriniarnissaa sivisusinnaasarpoq, ilaquttanullu oqaluttuarinissaa ajornaatsuinnaasarani, nakorsaaneq oqaluttuarpoq.
HIV-mik tunillanneqarsimasut imminnut paarilluaraangamik misissortikkiartornissartik iisartakkatillu nakkutigilluaraangamikkik peqqinnerusartut, Karin Ladefoged oqarpoq.