Tunumiu 32-nik ukiulik meeqqaminik kinguaassiutitigut atornerluisutut unnerluutigineqartup suliassartaa naammassivoq. Suliap ataatsimut nalilernerani Nunatta Eqqartuussivia naliliivoq, kinguaassiutitigut atoqateqartarsimanernik unnerluutiginninneq toqqammavissaqanngitsoq, angullu pinngitsuutinneqarluni.
Pinngitsuutitsinermi meeqqat apersornerisa ippigineqarneri, anaanaasullu inimi apersuiffimmiinnera peqqutaatinneqarpoq.
Unnerluutigisarli pinerluutinik assigiinngitsunik allanik piliaqarsimanini pissutigalugu pineqaatissinneqarpoq, soorlu persuttaanerit, aalakoorluni biilernerit ikiaroornartuuteqarnerillu pillugit pisuutitaareernermi kingorna Danmarkimi tarnimikkut napparsimasut katsorsarneqartarfiannut katsorsagassanngorlugu pineqaatissinneqarpoq.