Arnat ajornartorsiortut Nuummi qimarnuiannut ukioq kingulleq 198-it saaffiginnissimapput, 2002-mut naleqqiullugu 7 procentimik amerleriarsimallutik, saaffiginnittarfiup ukiumoortumik nalunaarutaani tamanna atuarneqarsinnaavoq.
198-init 109 unnuisimapput, ataatsimulli isigalugu saaffiginninnerit 27%-imik ikileriarsimapput meeqqat anaanatik ilagalugit isertartut ikileriarsimanerat pissutaalluni.
Meeqqat 156-it ukioq kingulleq saaffiginnittarfimmiissimapput, amerlanersaat ukioqanngitsunit qulinik ukiulinnut, taakkualu affaat ataasiaannaratik. Agguaqatigiissillugu ulloq unnuarlu isersimasariaqarsimaasut tallimaasimapput.