Meeqqat ornittagassaat aningaasaliiffigineqarpoq
10. november 2004 11:16
Meeqqat inuusuttullu nuummiittut ornittagassaannik ”Mælkebøtten”-mik pilersitsiniaqatigiit suliffeqarfiutilimmit Svend Junge-mit 1 million koruuninik tunineqarput. Pilersitsiniaqatigiit tassaapput Red Barnet, Lions-i Sulisitsisullu peqatigiiffiat.
Pilersitsiniaqatigiit aningaasanik tunineqarnerminni maannakkumut aningaasat 3,5 million koruunit katersorsimalerpaat, taamaammallu illup nutartigassap aallartinneqarsinnaanera qanillilluni.
Pilersitsiniaqatigiit neriupput qaammatialunnguit qangiuppata illup suliarineqalernissaa aallartinneqassasoq.