Sulisorisat namminneq illutaarpata, angerlarnissaminnut akiliunneqarsinnaannginnissaat, politikkikkut aalajangerneqartariaqarneranik Aningaasaqarnermut Pisortaqarfimmit, Peter Beckip oqarnera, IMAK-ip siulittaasuata Sivso Dorphip tupaallaatigaa.
Tamanna tunngavigalugu Sivso Dorph isumaqarpoq, politikkikkut akuliunnissaq pisariaqartussaanngitsoq, taamatullu pisoqannginnerani susassaqartut akunnerminni oqaloqatigeeqqaartariaqarsorai.
- Pinngittoornani uani pineqartumi isumaqatiginninniartarfik aammalu kattuffik isumaqatigiissutip qanoq paasineqarnissaa pillugu naapeqatigeeqqaartariaqarput.
Sivso Dorphip aamma oqaatigaa, isumaqatigiittoqarsinnaanngippat isumaqatigiissitsiniartarfik aqqutigalugu, isumaqatigiissutip qanoq paasineqarnissaa aalajangerneqartussaasoq.