Ivaaqqami innarluutillit tattorliorput

Aningaasanut Inatsisissap aappaagumoortup ualeru pingajussaaneerlugu oqaluuserineqarlunilu akuersissutigineqarnissaanut isumalluartut ilagaat, meeqqanut inuusuttuaqqanullu innarluutilinnut angerlarsimaffimmi Ivaaqqami Qaqortumiittumi najugaqartut.

Børnehjemikoq annertuumik innarluutilinnut innorluutilinnullu naleqqussagaanngimmat nutaanngilillunilu nutarterneqarnissaa minnerunngitsumillu nutaamik immikkoortortaqalernissaa pisariaqartinneqaqisoq, isumaginninnermut ikiorti Føbe Kanuthsen oqarpoq:

- Massakkut Ivaaraq innarluutilinnut naleqqutinnginnami. Meeqqat ineeraannut matut annikippallaarput torsuusallu amippallaarlutik. Meeqqat amerlanerit liftertariaqaralutik, inissakilliornermik taamaaliorsinnaanngilagut, Føbe Kanuthsen naggasiivoq.

Ivaaqqamut ukiunut tulliuttunut katillugit 26 million koruunit aningaasaliissutigineqarnissaannut tunngasoq Inatsisartut ilanngullugu ualeru oqaluuserissavaat.

Ivaaqqami najugaqartut arfineq-pingasuupput, nutarterneqarlunilu nutaamik immikkoortortaarpat inissat katillugit 15-inngussapput.