USA-mi præsidentimut qinersineq nunani assigiinngitsuni amerikamiunit malinnaaffigineqaqaaq. Nunatsinni avani Pituffimmi amerikamiut aamma taamaaliorput. Taavani sakkutooqarfimmi sulisut 75 procentii taasereerput.
Amrikamiut sakkutooqarfiini qinersisut amerlaqaat, ukioq 2000-mi innuttaasut qinersisartut affaannaat, qinersiartorsimasut ukioq-manna qinersinermi sakkutooqarfinni qinersisut amerlalluinnarput.
Amerikamiut sakkutooqarfianni Pituffimmi qinersineq pillugu paasissutissiisartoqarput, taassumalu sakkutuut oqaluttuuttarpai qanoq qinersissanerlutik, kiisalu qinersinerup pingaaruteqassusia, taamma oqarpoq Pituffimi paasissutissiisartoq Jennifer Tribble:
- pingaaruteqaqaaq qinersineq pillugu nassuiaanissaq, taasisoqaraannimi taasineq sunniuteqartarmat Jennifer Tribble oqarpoq.
Pituffimmi sakkutuut qineqqusaarnernut malinnaanissaminnut periarfissaqarput, Pituffimmili qineqqusaartoqanngilaq, qinersinissarli oqaluuserineqaqisoq paasissutissiisartoq oqarpoq.
- USA-mi qinersisartut oqallisigisaata assinginik Pituffimmi oqallipput, soorlu akileraartarneq, peqqinnissaq, sorsunneq ilaalu ilanngullugit.
Tusagassiisartoq Jennifer Tribble radioaviisimut oqarpoq.