Ullumimiit qarasaasiami nittartakkakkut takuneqarsinnaalerpoq, meeqqat atuarfiini illoqarfinni assigiingitsuni atuartut angusarisartagaat qanoq isikkoqarnersut.
Assersuutigalugulu atuaqatigiit arfineq pingasut sinneqarpata qassit 5-mik karakteereqarnersut, qassillu 8-mik karakteereqarnersut takuneqarsinnaasassasoq Kaali Olsen oqarpoq.
Inerisaavik qarasaasialerisullu Inu:IT A/S ukiuni kingullerni sisamani ineriartortitsisimapput, karakterit katersorneqarsinnaangorlutik, tamannalu ukiuni kingullerni sisamani nunarput tamakkerlugu ingerlanneqarsimalluni.
Isumassarsiami aallaaviuvoq politikerit, ilinniartitsisut, tusagassiortut, minnerunngitsumillu angajoqqaat meeqqat atuarfiani angusarineqartartunik malinnaasinnaalerniassammata.