Tusagassiortut suliaannut politikerit akuliuttariaqanngitsut nunatsinni tusagassiortut peqatigiiffiani TP-mi siulittaasoq, Sermitsiami tusagassiortoq, Erik Holmsgård isumaqarpoq.
-Tusagassiornermi pissuserissaarneq ileqqorissaarnerlu tusagassiortut namminneq sissuigassaraat. Taakkua unioqqutinneqarsimappata imaluunniit taamatut isumaqartoqarpat tusagassiorneq pillugu naammagittaalliortarfimmut saaffiginnittoqarsinnaavoq, Erik Holmsgård oqarpoq.
- Tusagassiortut pissuserissaarnissaat ileqqorissaarnissaallu qinikkat eqqartorsinnaavaat, qanorli tusagassiortoqarnissaanut aqutsisinnaanngillat,
Nunatsinnilu inuiaqatigiinni angivallaangitsumi tusagassiortut qinikkanut nalunngeqatiginnissusertik, qinikkat kukkussutaat pillugit tusagassiornissaminnut aporfigisarpaat, Erik Holmsgaard oqarpoq.