Qaamaneq eqqumiiginartoq takuaat
Qaamaneq eqqumiitsoq Upernavimmi Qaanaamilu takuneqarsinnaasimavoq. Upernavimmi ilinniartitsisoq Sara Lyberth paninilu qaamanermik eqqumiiginartumik takunnipput. Sara Lyberthip takusani ima oqaluttuaraa:
- Igalaakkut qivialeriallarama avannaata tungaaninngaanniit ammuinnangajak, kisianni kujammut nakkariartortoq ikumasorujussuaq. Ikumangaarami inneri katagartutut ipput. Tukkami ersinngilaq. Tuffiata nalaa nuiagami ersinngilaq, qanorlu ungasitsigisumi nakkarnersoq naatsorsoruminaalluni, Sara Lyberth oqarpoq, nangipporlu:
- Timmisartuusorileraluarpara, nalunartullu pillugit politiinut sianerlunga. Paatsiveerutileraluarpunga, timmisartuusoralugu, ajunaartoqarsoralugulu. Kisianni aamma eqqarsarpunga amerikamiut qaammataasaat nakkartussatut oqaatigineqartoq nakkartoq, sunaanersorli nakkariartortoq paasinngilara, Sara Lyberth radioaviisimut oqarpoq.
Qaamaneq sunaagaluarnersoq Aasianni aamma takuneqarsimavoq. Tusaat-TV Aasianni sulisup, Jonathan Petersenip takusimallugu suleqatiminut ullaaq oqaluttuarsimavoq.
Qaanaamiit aamma takunnittoqarsimavoq. Politiit pisortaat Farda Olsen oqarpoq eqqumiiginarsinnaasumik aamma takunnissimallutik.