Amerikami universitetimi aallaasersortoqaqqippoq
Amerikami universitetit ilaanni ippassaq aallaasersortoqaqqippoq. Chigacomi universitetimi ilinniartitsisoq ilinniartunut oqalugialeruttortoq angut inuusuttoq eqqaassimmat tallimat toqutaapput 18-illu ikilerneqarlutik.
Skrevet af Louise M. Kleemann
Angut inuusuttoq eqqaassereerami imminut aallaalluni toquppoq.
Aallaasersortup kinaanera politiit paasereerpaat. Eqqaassisoq taassaanerarpaat, angut inuusuttoq ukiup ataatsip matuma siornagut universitetimi ilinniartuusimasoq. Taanna siusinnerusukkut pillagassanngortitaanikuunanilu politiinit ilisarisimaneqanngilaq.
Aallaasersornermut attuumassuteqarsorineqarpoq, qaammatit arlallit matuma siornagut universitetimi anartarfiit ilaanni iikkamut ima allattoqarsimammat.
”Virginia Tech-imit ajornerusumik pisoqassaaq”.
Virginia Tech tassaavoq universiteti ilinniartumit, siorna aallaasersorfigineqartoq 32-it toqutaanerannik kinguneqartumik.