Ilinniartitsisunut pikkorissartitsinerit amerlanerusariaqarput
Ilinniartitsisut ilinniarsimasut atuarfinni ilinniartitsisutut suliinnarnissaat anguniarlugu pikkorissartinneqarnerisigut tamanna anguneqarsinnaasoq Dorthe Korneliussen isumaqarpoq.
- Kisitsitsit ilisimareerpakka aamma pitsaasuunngillat. Ilinniartitsisut ilinniarsimasut taama amerlatigisut amigaataanerat atuartitsinermut sunniuteqanngitsoorneq ajorpoq, Dorthe Korneliussen oqarpoq.
Ilinniartitsisut suliinnarnissaat anguniarlugu suliniutinik assigiinngitsunik ingerlatsisoqartoq nassuiarpaa.
- Ilinniartitsisunut atugassarititaasut ullutsinni pitsaasorujussuupput, akissarsiarissaarput sulinermilu atugaat pitsaasuullutik. Taamaakkaluartoq suliffigivaat oqimaatsoq, ilaatigut suleqatinik amigaateqartillutik suliassanik tigusisarlutik. Kisianni pikkorissartitsinissanik assigiinngitsunik periarfissaqarpoq, isumaqarpunga tamakku aqqutaasinnaasut, Dorthe Korneliussen oqarpoq.
