Kalaallit immikkoortikkusunngilai
Danmarkimut nunasiniarlutik qinnuteqartut pitsaanerusumik atugassaqartinniarlugit Danmarkimi naalakkersuisut Folketingimi siunnersuusiornerminni ikinnerussuteqaleriaannaapput.
Skrevet af Mads Lynge
Kalaallit Nunaata ilaasortaatitai marluk illuatungiliuttunik tapersiinermikkut naalakkersuisut ikinnerussuteqalersissinnaavaat, tamannalu ministeriunermit Anders Fogh Rasmussenimit arajutsisimaneqanngilaq.
- Kalaallit Savalimmiormiullu Folketingimi ilaasortaatitaat allatulli pisinnaatitaaffeqarput. Assigiinngisitsisoqanngilaq. Kikkulluunniit oqallinnernut peqataasinnaapput, Anders Fogh Rasmussen radioaviisimut oqarpoq, nangipporlu:
- Namminersulernissaq pillugu isumalioqatigiissitaliami suliaq nunasiniarlutik qinnuteqartut pitsaanerusumik atugassaqartinniarlugit oqallinnermut akuliunneqarsinnaanngillat, ministeriuneq oqarpoq.