Umiarsualivissamut aningaasaleeqataarusuppoq
Nuummi umiarsualivissarsuarmut aningaasaleeqataanissaminut piareersimalluni Aalborg Havn A/S-ip pisortatigoortumik nalunaarutaa nuannaarutigeqalugu Nuummi borgmesteri Nikolaj Heinrich tusagasiuutinut nalunaaruteqarpoq.
Aalborgimi umiarsualivik nunatsinnut nunatsinnillu umiarsuakkut nassiussanik sullissinermi ullumikkut peqataareerpoq, taamalu Nuummi umiarsualivimmik allileriarnermut suleqataanissaa pissusissamisoorluni.
Nuup Kommuniata Namminersornerullutik Oqartussat suliassaq sapinngisamik siuarsaqqullugu qinnuiginiarpaa, taamaalilluni sapinngisamik piaartumik ingerlatseqatigiiffiliortoqarsinnaaniassammat Namminersornerullutik Oqartussanit, Nuup Kommunianit aningaasaleeqataarusuttunillu avataaneersunit peqataaffigineqartumik. Taamaalilluni Nuummi umiarsualivissualiortoqarsinnaaniassammat.