USA-mi præsidentinngorniunneq: Mitt Romney Michiganimi ajugaavoq
Mitt Romney naalagaaffimmi najukkamini qineqqusaarnini iluaqutigilluarpaa, tassami taanna Michiganimi inunngorsimavoq angutaalu George Romney 60’ikkunni naalagaaffimmi tassani guvernøriusimavoq.
Romney naalagaaffinni Iowami aamma New Hampshiremi qinigassanngortitsiniarluni qinersinerni qinerneqarnerpaanut tulliusinnarluni maanna naalagaaffimmi najugaqarfigisamini qinerneqarnerpaavoq.
Michiganimi republikanerit qinigassanngortitatik tamakkerlugit sassartippaat.
Qineqqusaarnermi aningaasaqarneq sammineqarnerpaavoq, tassami naalagaaffimmi tassani suliffissaaleqineq USA tamakkerlugu qaffasinnerpaagami, tassa suliffissaaleqisut 7,4 procentiugamik.