Namminersornerullutik Oqartussani pisut malinnaavigaavut

Namminersornerullutik Oqartussani naalakkersuisut ataatsimiittarfiata silataanniippoq, inatsisartut siulittaasuata Jonathan Motzfeldtip assingata qalipanneqarnera. Qalipakkallu angisuup iigaq nuisatinngingajallugu. Qalipagarsuup talerpiata tungaani inissisimavoq, naalakkersuisut ataatsimiittarfiat.

Nalunaaqutaq marlunngorluinnalersoq, Siumut sinnerlugu naalakkersuisuni inatsisartunilu ilaasortat naalakkersuisut ataatsimiittarfiannut isaapput, Jonathan Motzfeldt immikkut ittumik ataatsimeeqqatigissallugu.

Matu tungujortoq marlunut matuvoq, tusagassiortut assiliisullu tamarmik torsuusami ataatsimiittut naammassinissaat utaqqilerpaat.

Nalunaaqutaq 14:56 Hans Enoksen, Jonathan Motzfeldt aneqatigaa, Jonathan Motzfeldt tusagassiutinut oqaaseqarniarani oqarpoq. Hans Enoksenili oqarluni kingusinnerusukkut tusagassiutinut oqaaseqarumalluni.

Nalunaaqutaq 15.00 naalakkersuisut ataatsimiittarfianniit Siumut sinnerlugu naalakkersuisuni kiisalu inatsisartuni ilaasortat aniapput tamarmik tusagassiutinut oqaaseqarumanatik oqarput.

Hans Enoksen Jonathan Motzfeldt sivikitsumik ilagereerlugu allaffiminut uterami, Atassutip siulittaasua Finn Karlsen allaffimminut iseqatigaa. Nalunaaqqutarlu 15.10 Hans Enoksen, tusagassiutinut oqaaseqassalluni anillappoq.

- Nalunaarutigissavara, Jonathan Motzfeldt nammineq aalajangikkaminik inatsisartut siulittaasuattut tunuarniarmat. Eqqartuussisoqarsimatinnagu Juntaaq inatsisartuniit tunuaqqusinnaanngilarput, Hans Enoksen oqarpoq.