Ineqarneq akisunerulerpoq

A/S INI-p, inissiaataannut akiliutip januaarip aamma februaarip aallaqqaataani qaffaavigineqarnera sioqqullugu, nuna tamakkerlugu agguaqatigiissitsinermi kvadratmeterimut aki 563 koruuniuvoq.
Skrevet af Mads Lynge
15. januar 2008 07:39

Qaffaanerup kingorna taanna 590 koruuninut qaffanneqarpoq, tassa agguaqatigiissillugu ukiumut katillugit 1.755 koruuninik akiliinerusoqartalissaaq.

Procentinngortitsinermi qaffariaat Nanortalimmi annerpaalluni 7,1 procentiuvoq, tassa inigisamut 65 kvadratmeterit missaanik angissusilimmut aningaasanngorlugit ukiumut agguaqatigiissillugu 2.570 koruunik akiliinerusoqartalissaaq.

- Qaqortumi qaffaaneq appasinnerpaavoq, tassa taamaallaat 1,9 procentimik qaffaasoqarami, taama ilisimatitsivoq A/S INI–imi aningaasaqarnermi pisortaq Charlotte Wordenskjold Nørregård.

Kommunip inissiaatai januaarip aallaqqaataani aamma akitsorput, nuna tamakkerlugu agguaqatigiissillugu 3,5 procentimik qaffariarlutik. Maniitsumi qaffaaneq annerpaavoq 4,2 procentiulluni, Kangaatsiamili inigisamut akit allannguuteqanngillat.

Læs også

Døgnrapport: Indbrud og flere forsøg på indbrud natten igennem