Mærskip aktiatai pingasoriaammik nalikillisut
Berlingske Tidendemi allaaserisaq naapertorlugu Danmarkimi suliffeqarfissuaatillit annersaata A.P. Møller Mærskip aktiaataasa nalingat qaammatit pingasuinnaat ingerlaneranni pingasorarterummik nalikilleriartut, aviisimi Berlingske Tidendemi allaaserinnittoqarpoq
Skrevet af Jaaku Lyberth
08. januar 2008 10:52
A.P. Møller Mærskimut aktiat nalingi qaammatit pingasut ingerlanerini 105 milliardi koruuninik appariarlutik 221 milliardi koruuninik naleqalersimapput. Aviisimi allaaserisat naapertorlugit tamanna oqaluttuarisaanermi nalikilleriapiloornerit annersaasa ilagaat.
Aktiat ataatsimut isigalugit nalikilliartuinnarnerat uuliallu akiata qaffakkiartuinnarnera A.P. Møller Mærskip aktiaataasa nalikilleriarnerujussuanut pissutaapput. Mærskip sipaarniuteqarnissamut pilersaarutit ullumi saqqummiuppai, tamatumani sulisut 25.000-iusut, quliugaangata ataaseq soraarsinneqassalluni, tassa sulisut 2.500-t soraarsinneqassapput.
