Hans Jakob Helms soraarsitaavoq
![](/sites/default/files/styles/image_934x467/public/article_images/hans_jakob_helms.jpg?itok=e4V4QaXc)
Folketingimi Atlantikup Avannaani Suleqatigiit aaqqissuuseqqinnerisa kinguneranik allaffeqarfimmi pisortatut atorfik atorunnaarsinneqarpoq.
Ukiut arfinillit folketingimi atlantikup avannaani suleqatigiit allaffeqarfianni pisortaareerluni Hans Jakob Helms, aamma Lars -Emil Johansenip ikiortigilluagaatut naluneqanngitsoq, allaffeqarfimmi pisortaajunnaassaaq.
- Folketingimut qinersisoqarmat tamanna maaniittugut soraarsinneqarpugut, Hans Jakob Helms radioaviisimut oqarpoq, maannali Lars-Emil Johansenip suleqatiginera pillugu oqaaseqarusunngikkallarpoq.
58-inik ukiulik Hans-Jakob Helms 1978 -imiilli Namminersornerullutik Oqartussani atorfeqalerpoq, Christiansborgimi atorfininnissami tungaanut.
Folketingimi Atlantikup Avannaani Suleqatigiit allaffissornikkut aaqqissuunneqarnerat pillugu sapaatip akunnerata uuma ingerlanerani isumaqatiginninniartoqassaaq.