Benazir Bhutto ullumi ilisaavoq
Pakistanimi inatsisartunut qinersinissamut ullut 14-iinnanngortut Benazir Bhutto toqutaammat nunami sumiiffinni arlalissuarni perulluliortoqalerpoq, ullumikkuinnarlu inuit 32-t toqutaasimapput, sulilu amerlanerit ikilerneqarsimasut politiit nalunaarput.
Ajortumeeriniaqatigiit al-Qaedameersut toqutsinermut pisuusut Pakistanimi nunap iluani pissutsinut naalakkersuisoqarfianiit ullumi nalunaarutigineqarpoq.
Al-Qaedameersut toqutsisimanerannut uppernarsaatit apeqquserneqarsinnaanngitsut pisimallugit naalakkersuisut nalunaarutigaat.
Al-Qaedamut ilaasortat oqarasuaatikkut oqaluunnerat Pakistanimi isertortumik paasiniaasartut tusarnaarsimavaat taakkualu oqaasii malillugit Pakistanimi nunap aqunneqarnerata qajannarlisarnissaa anguniarneqarpoq.