Pakistanimi eqqissiviilliusoq
Pakistanimi illua’tungiliuttut siuttuat Benazir Bhutto qineqqusaarnermini ullumi Rawalpindimi inuartarineqarpoq. Isiginnittut nutaarsiassaqartitsivimmut Reutersimut oqarput marloriarluni igeriartoqarsimasoq kinguninngualu qaartartoq qaartoq.
Skrevet af Jokum Nielsen
Franskit tv-qarfianni France-Vingt-quatre-mi ilanngutassiortoq oqarpoq Benazir Bhutto illersugaalluartumi qineqqusaarfimmit biiliminut aninerani saassunneqartoq. Saassussisup Benazir Bhutto sakiaatigut qungasiatigullu aallaavaa imminullu qaartilluni.
USA-mi Ruslandimilu naalakkersuisut inuartarinneq sakkortuumik avoqqaaraat. USA-mi nunap iluani pissutsinut naalakkersuisoqarfimmit oqaaseqartartoq oqarpoq inuartarinninnerup ersarissisikkaa Pakistan-imi suliniartoqarmat akaareqatigiinnermik inuillu oqartussaaqataanerannik aserorteriniartunik. Russit ilimagaat inuartarinninnerup Pakistanimi perulluliornerit amerlisassagaat.