Mads Mølgaard suli ujaarineqarpoq
46-nik ukiulik, Mads Mølgaard, decembarip ulluisa 21-anni kingullermik takuneqartoq, Qeqertarsuarmi politiit ullumi decembarip 27-anni suli ujaaraat.
Mads Mølgaard, qaqortumik Poca 550-imik 100 hk Yamahamik motoorilimmik angallateqartoq, qulimiguulimmik Juullip Ulluanili ujaarineqarpoq.
Skrevet af Mads Lynge
27. december 2007 11:09
Angallataatillit arlallit Qeqertarsuarmiit Aasianniillu nammineq piumassutsiminnik aamma ujaaseqataagaluarput, pujortuleeqqat pingasut aamma ujaaseqataagaluarput.
Silap ajornerata kingunerisaanik ujaasineq ajornakusoorsimasoq, Qeqertarsuarmi politeeq Ole Jens Lundblad taama ilisimatitsivoq.
Juullip Ulluani unnukkut radioaviisimi oqaatigigaluarparput Mads Mølgaard Qeqertarsuarmiit kimmut ingerlasimasoq, tamannali ilumuunngilaq. Mads Mølgaard Qeqertarsuarmiit kangimut aallarsimasoq, Qeqertarsuarmi politiit nalunaarutigaat.
