Nunatsinni orpippassuaqarsimasoq uppernarsisippaat

Sikup Kalaallit Nunaata Kujataani qillikkap naqqani orpippassuarnit naggorissunit sananeqaammut ilisarnaatitut takussutissamik, DNA-mik, 800.000-nik pisoqaassusilimmik ilisimatuut nassaarsimapput.
Skrevet af Mads Lynge
20. december 2007 14:39

Kalaallit Nunaat sermimik suli qallerneqanngikkallarmalli orpippassuit tamaaniissimapput.

Nassaat siunissami nunarsuarmi sermersuaqarfippassuit ataanni itsarsuaq uumassusilinnik ilisimaneqanngitsunik ilisimatusarfeqalersinnaanissaannik ilisimatuut neriuuteqalersippaat.

Sermitsiaq taama allappoq, atuagassiaq Illustreret Videnskab misissuataareerlugu.