Inuit ikinnerpaamik aqqaneq-marluk toqutaapput
Irakimi imminuujutigaluni kingullermik qaartartumeerisoqarmat minnerpaamik inuit aqqaneq marluk toqutaapput.
Skrevet af Mads Lynge
Irakip kujasinnerusortaani illoqarfimmi Amarami biilit pingasut sapaatip akunnerani kingullermi qaartinneqarneranni inuit 40-t toqutaapput, 150-it ikiligaasut.
Nutaarsiassaqartitsivik AP ullumi nalunaarpoq Bagdadip avannaani amerikamiut sakkutuuisa inuit 26-t timaat matoorneqarsimasut nassaarisimagaat, eqqannguanilu naalliuttitsisarfik nassaarisimallugu.
Amerikamiut sakkutuuisa ilimagaat Irakimi al- Qaedameersut inuit timaat matoorsimassagaat naalliuttitsisarfillu taakku pigissagaat.