Nunatsinnut nunaseqqaartut misissorniarpaat
Ilisimatusartut suleqatigiit kikkut nunatsinnut peqqaartuunersut misissuiffiginialerpaat.
Skrevet af Elisa Isaksen
18. december 2007 06:11
Københavnip Universitetiani ilisimatusaqatigiit aningaasaateqarfimmit Lundbeck Fondenimit 2 miliuunit koruuninik nunatta inuisa misissuiffiginissaannut tapiiffigineqarput.
Ilisimatusartut inuup sananeqaataanik dna-mik misissueqqissaarnermikkut, kikkut nunarsuarmi qeqertat annersaannut nunaseqqaartuusimanersut paasiniassagaat, aviisi Jyllands-Posten allaaserinnippoq.
Københavnip Universitetianit oqaatigineqarpoq, Nunarput ukiut 4.500-it matuma siornagulli tikinneqaqqaaramili arlaleriarluni inoqartarsimasoq. Aamma ilanngullugu oqaatigineqarpoq, silap pissusaata allanngortarnerata kinguneranik Nunarput inunnit najorneqarsinnaajunnaartarsimasoq.
