Aasianni Amutsivik SIK-lu isumaqatigiissuteqarput
Aasianni amutsivik, Sisak Teknik A/S-imik maanna taaguuteqartoq, 60-iliilluni ippassaq nalliuttorsiorpoq.
Nalliuttorsiorneq iluatsillugu Sulinermik Inuussutissarsiuteqartut Kattuffiannik SIK-mik isumaqatigiissut atsiorpaa, tassani sulisut maanna pitsannguutinik arlalinnik pissarsisinnaanerlutik, Sermitsiaq nittartakkamini taama allaaserinnippoq.
Inuuniarnermut aningaasaateqarfimmik pilersitsisoqarpoq, taamaalilluni sulisut pissutinut assigiinngitsunut tapersersorneqarsinnaalerlutik. Saniatigut aamma SIK-p ilinniartitaanermut sulinngiffeqarnermullu aningaasaateqarfianut akiliuteqartalernissaq ilanngunneqarpoq.
Sulisunut 18-ileereersimasunut tamanut soraarnerussutisiaqalernissamut ileqqaarnissaq aallartinneqarpoq, tassunga akissarsiat 7,5 procentii soraarnerussutisiassanut kontomut ikineqartassallutik.