Ilaasartaatinik atorluaaniarpoq
Disko Linep ilaasartaataasa ukiuunerani atorneqannginnerisa nalaani Kujataani ’atorneqartarsinnaaneri’ Angallannermut naalakkersuisumut Kim Kielsenimut ammasunik allagaqarluni Nikolaj Ludvigsenip apeqquteqaatigaa.
Skrevet af Mads Lynge
11. december 2007 14:47
Nunatsinni Atuisartunut Siunnersuisoqatigiit siulittaasuata, Nikolaj Ludvigsenip, Disko Linep ilaasartaataasa ukiuunerani atorneqannginnerisa nalaani Kujataani ’atorneqartarsinnaaneri’ Angallannermut naalakkersuisumut Kim Kielsenimut ammasunik allagaqarluni apeqquteqaatigaa.
Ilaasartaatit ’Najaaraq Ittuk’, ’Aviaq Ittuk’ aamma ’Aleqa Ittuk’ ukiuunerani maajip tungaanut atorneqartannginnerat Atuisartunut Siunnersuisoqatigiit siulittaasuata siunnersuummini tunngavilersuutigaa.
’Kujataani qulimiguulimmik angallanneq akisuallaarujussuaqigami, naak bilitsit akikinnerulersinniarlugit naalakkersuisunit tapiisoqaraluartoq’, Nikolaj Ludvigsen ilaatigut taama tunngavilersuivoq.
