Korea kujalliup sineriaa uuliamik mingutsinneqarpoq
Korea kujalliup oqaluttuarisaanerani aatsaat taamak annertutigisumik uuliakoorluni ajutoortoqarnerani, inuit 9.000-ngajaat saligipput. Uuliakoornermik saligisut ilaatigut tassaapput, avatangiisinik illersuiniaqatigiinneersut, sakkutuullu.
Korea kujalliup kitaata sineriaa 40 kilometerinik isorartutigisoq uuliamik mingutsinneqarpoq, uuliamik assartuut umiarsuaq umiarsuarmut allamut tallimanngormat apormat.
Uulia 10.500 tonsinik annertutigisoq aniasimavoq, uulialu 150 kilometerinik isortutigisumut immamut Det Gule Hav-imut siaruaassimalluni.
Sineriak uuliamik mingutsitsiffiusoq ajunaarnersuaqarfittut naatsersuutigineqassanersoq
Korea Kujallermi pisortat maannakkut eqqarsaatigivaat.