Tunissutit akitsuusikkat
- Tupigusuutigaara nassiussat nassiunneqarnerata akiisa asserluinnaanik akitsuuserneqarsimammata, tamanna eqqumiiginartupilussuuvoq, Jørgen Hansen oqarpoq. Taperserneqarlunilu ningaaminit Jan Nielsen-imit, taannami ima nassuiaavoq:
- Kalaallit Nunaannit poortugassarsivugut, kalaalimerngit, juullisiutissat, taamaannerani aamma akiligassarsitinneqarpugut, nassiussarsiagummi akitsuuserneqarsimapput. Isumaqarpunga tupinnalaartoq poortugassarsiat akitsuuserneqarnerat. Eqqumiiginalaarsinnaavoq.
Kalaallit Nunaanni akileraarnermut pisortaqarfimmut paasiniaanermi radioaviisi ilisimatinneqarpoq, kiilut tallimat pallillugit inoqutigiinnut ataatsinut akileraarutitaqanngitsumik nassitsisoqarsinnaasoq.