Ipitinneqarluni toqutaasimanerarpaat

Arnaq 36-nik ukiulik sapaatip akunnerani kingullermi Aasianni blokkini inissiani toqungasoq siumorneqartoq, ipitinneqarnermigut toqusimasoq Aasianni politiit nalunaarput.

Arnap persuttarneqarsimanera takussutissaqanngilaq, taamaattumik politiit toqusoqarsimatillugu misissueqqissaartartup misissuinera utaqqeqqaarniarpaat, taamaalillunimi paasineqarsinnaammat arnaq toqutaasimanersoq imaluunniit tupinnerminik toqquteqarsimanersoq.

- Taamaattorli toqutsisoqarsimanissaa ilimanartorujussuusoq, Aasianni politiit oqaatigaat.

Misissuinermut atatillugu angut sapaatip akunnerini sisamani tigummineqarallartussanngortitaareerpoq. Toqusoqarsimatillugu misissueqqissaartartup nalunaarusiaata ulluni qaninnerni naammassineqarnissaa naatsorsuutigineqarpoq.