Arsaattut ullumimiit aallakaatinneqartalissapput
Nutaarsiassaq nuannersoq taanna TV2-mi inatsisitigut ingerlatsinermut pisortap, Nic Holten-Andersenip, nalunaarutigaa, taanna oqarpoq TV2 Arsaattartut Europami Kattuffissuannut, UEFA-mut, maanna isumaqatigiissusiorsimasoq, taamaalilluni arsaannerit sinneruttut 27-t KNR-ip aallakaatissinnaalerlugit.
Arsaannerit toqqaannartumik aallakaatinneqartassapput, taamaallaat ataatsikkut unammisoqaraangat unammineq ataaseq ulloq taanna kingusinnerusukkut aallakaatinneqartassalluni.
Rumaaniap Frankrigillu unamminerat KNR TV-kkut ullumi nalunaaqutaq marlunut tanneq qulit aallakaatinneqassaaq, ualerulu nalunaaqutaq tallimanut tanneq qulingiluat Holland aamma Italia unammissapput.