Bakteria 120.000-inik pisoqqaassusilik sermersuarmi nassaarineqartoq
Bakteria ukiunik 120.000-inik pisoqaassusilik Sermersuarmi nassaarineqarpoq. Nassaartuupput Sermersuarmi qillerillutik ilisimatuussutsikkut misissuisut, GISP 2-imik taaguuteqartut.
Skrevet af Jaaku Lyberth
08. juni 2008 17:52
Sermersuarmi 3 kilometerinik itissusilimmi bakteriap nassaarineqarfiani, inuunerup ilungersunartup qanoq issimaneranik, ilisimatuut paasisaqarnissartik neriuutigaat, Dansk Polarcenter nittartakkamini taamatut allaaserisaqarpoq.
Issittumi inuussutissaqarpianngitsumi bakteriat piusinnaanerat imaannaanngitsuusimassasoq ilisimatuut naliliipput. Bakteriamik nassaartut tassaapput amerikamiut ilisimatuut Penn State University-meersut.
Bakteria Sermersuarmi nassaarineqartoq atserneqarpoq Chryseobacterium Greenlandensis.
