TM-62 pissartanngorniunnernut peqataanngitsuulerput
TM-62 Kulusumeersut, ukioq kingulleq isikkamik arsaalluni pissartanngorniuttoqarnerani nr 4-ngortut, Tasiilap Kommuneata aningaasakilliornera pissutigalugu pissartanngorniuteqataasinnaajunnaarput.
TM-62-imi isikkamik arsaateqataasartoq Moses Bajarip Pisoq pillugu ima oqaaseqarpoq.
- Pissartanngorniunnermut ilaasinnaanani nukillaajallannaqaaq.
Moses Bajarip ilanngullugu oqaatigaa Kulusummi arsaattartut januaarimiilli qasujaallisarneq sungiusarnerlu annertuumik ingerlassimagaluaraat.
Kalaallit Nunaanni arsaattartut kattuffianni siulittaasup Lars Lundblad-ip, ajuusaarutigaa Tunumiut aasamut isikkamik arsaanermi unammersuaqataasinnaannginnerat. Unnugu Qanoruumi sinnera isiginnaarsinnaavat.