Qinnguartaanermi assistentit siulliit naammassipput

Peqqissaanermut ikiortit marluk qaammatini tallimani ilinniareerlutik qinnguartaanermi assistentitut allagartartaarput. Taamaalillutik Mina Kreutzmann aamma Theodora Jeremiassen Kalaallit Nunaanni qinnguartaanermi assistentitut taaguuteqalersussat siullersaraat.
Skrevet af Louise M. Kleemann
05. juni 2008 08:13

Qinnguartaanermi assistentitut immikkut ilinniarneq Peqqissaanermik Ilinniarfimmi pernaammik ukioq manna ingerlanneqarlunilu naammassineqartoq atuagarsornermik sulinermilu misilitsinnermik naggaserneqarpoq.

Ilinniartitaanikkut immikkut ilisimasalittut sullissisinnaanissaq Naalakkersuisut ilinniartitaanerup piorsaavigineqarnissaanut suliniutaasa nutaat ilagaat. Taamaaliornikkut qaffasissumik ilinniarsimasut amigaataaneranni avataanit suliartortartut peqqinnissaqarfimmullu aningaasartuutinik amerlasuunik atuiffiusartut ikilisarniarneqarput.

Kalaallit Nunaanni peqqinnissaqarfimmi nalinginnaasumik qinnguartartittussanik qinnguartaanermi assistentit namminneerlutik qinnguartaasinnaanngorput, nakorsat ultralyd atorlugu misissuinerini nalinginnaasuni aamma ikiuussinnaanngorput.

27. juni 2008 ilinniartut alllat arfinillit qinnguartaanermi assistentitut naammassinissaat naatsorsuutigineqarpoq.

Hvis du har fundet en fejl i artiklen, kan du skrive til os her.

Læs også