Takornariat sinersortaatinut ilaasartut pitsaanerusumik sullinniarneqarput
Illoqarfiit nunaqarfiillu sinersortaassuarnik tikinneqartartut tikeraartiminnik pitsaanerusumik sullissinissaat pillugu aasaq manna isumasioqatigiissitsisoqassaaq, Nunatsinni Takornariaqarnermi Inuussutissarsiornermilu Siunnersuisoqatigiinnit aaqqissuunneqartussamik.
Skrevet af Mads Lynge
30. maj 2008 16:12
Nunatsinni Takornariaqarnermi Inuussutissarsiornermilu Siunnersuisoqatigiinni ineriartortitsinermut pisortaq Mads Skifte ima oqarpoq:
- Tikinnermi misigisat siulliit pingaaruteqartarput, umiarsualiviillu siulliusarlutik. Takornariaqarnermik suliallit, arfernik takuniaatitsisartut, eqqumiitsuliortut, allakkeriviit, pisiniarfiit, neriniartarfiit ilaalu ilanngullugit soqutigisaqaqatigiissinnaapput, isumasioqatigiinnerillu naammassippata illoqarfiit ataasiakkaat takornariartaatinik sullissinissamut ataqatigiissaarisussanik ataatsimiititaliorsinnaanissaat takorloorparput, Mads Skifte, Nunatsinni Takornariaqarnermi Inuussutissarsiornermilu Siunnersuisoqatigiinni ineriartortitsinermut pisortaq oqarpoq.
