Inatsisartuni ilaasortaq akissutisinissaminik utaqqivoq
Ajoqaaq Naalakkersuisut siulittaasuata inatsisartuni aalajangiiffigisassatut siunnersuutit qassiuneri suunerilu sianiginngimmagit. Kisianni tassa pissutsit taamaapput, taama IA sinnerlugu Inatsisartuni ilaasortaq Esmar Bergstrøm oqarpoq.
Skrevet af Louise M. Kleemann
29. maj 2008 09:23
Naalakkersuisut siulittaasuat Hans Enoksen IA-mit apeqquteqaammut siusinnerusukkut akissuteqaammi oqaatigaa, aalajangiiffigisassatut siunnersuutui akuerineqartut allattorsimaffiannik nassiussiumaarluni. Februaarimili neriorsuineq suli kinguneqanngilaq.
- Immaqaana puiguinnarsimagaa, Esmar Bergstrøm isumaqarpoq.
Taamaammat IA-p inatsisartuni ilaasortaata tusarusuppaa allattorsimaffik naammassereersimanngippat qaqugu tigusinnaanerlugu, tamanna naalakkersuisunut apeqquteqaataani erserpoq.
