Kinami qitornartaaqqissinnaaneq akuerineqarpoq
Kina-mi peqqussutaavoq ilaqutariit ataasiinnarmik qitornartaarsinnaassasut.
Sapaatip-akunneri marluk matuma siorna Kinami nuna sajuppoq, tamatumalu kingunerisaanik qitornaarsersimasut qitornartaarniaqqissinnaanerat Kinami qullersat akueraat.
Qitornarisarlu aqqunarujussuarsimappat imaluunniit innarluuteqarpat aamma qitornartaaqqittoqarsinnaanermut akuersissummut ilaavoq.
Kina-mi illoqarfimmi Sichuanimi maajip aqqaneq-aappaanni nuna sajummat inuit 65.000-t ajunaarput 23.000-illu maqaasineqarlutik. Kisitsisaatigineqanngilarli meeqqat qassit eqqugaasimanersut.
1970-ikkunni Kinami aqutsisut aalajangiuppaat Kina-mi inuit amerlavallaarnerat pissutigalugu Kina-miut ilaqutariit ataasiinnarmik qitornartaarsinnaassasut, taama aalangernermut patsisaaqataavortaaq Kinami ilinniagaqassutsip peqqissutsillu iluamik qularnaarneqarluarnissaat. Oqaatigineqarporlu Kinami ataasiinnarmik qitornaqaqqusinermik aaqqiineq inunngortussaagaluanik 400 millioninik pinngitsoortitsisimasoq.