76-inik ukiulik Mount Everestimut qaqivoq
Angutip Nepalimeersup 76-inillu ukiullip Mount Everesti ullumi qaqivaa, qaqqarsuarmullu qaqisisuni utoqqaanersanngorluni.
Nepalimi takornarialerinermik suliallit taama ilisimatitsipput.
Skrevet af Mads Lynge
Min Bahadur Sherchan juunimi 77-iliisussaavoq, ikiortinilu peqatigalugit Mount Everestimut ullaap tungaa qaqilluni.
Taamaasillunilu qaqisinikuni utoqqaanersanngorpoq, Japanimiup 71-inik ukiullip Katsusuke Yanagisawap rekordia qaangerlugu.
Sherchan sakkutuujunikuuvoq, timersullammaallunilu. Taamaammat peqqilluni Everesti ajornaquteqanngitsumik qaqisinnaallugu, ikiortaa amerikamiut tv-qarfissuannut CNN-imut oqarpoq.
Everestimut qaqiniartut ulluni makkunani imaaginnavippunngooq, katillugit aqqaneq-marluk ullumi qaqigamik.
Nepalimiu alla Appamik taaguuserneqartoq aamma rekordileeqqammerpoq, Mount Everestimut 18-issaa sisamanngormat qaqigami.