Ullumi qinersisoqartuuppat Obama ajugaassagaluarpoq
USA-mi præsidentimut ullumikkut qinersisoqartuuppat, Barack Obama ajugaassagaluarpoq, republikanerillu præsidentimut qinigassanngortitaat John McCain ajorsarluni, nutaarsiassaqartitsiviup Reuterip isumasiuisarfik Zogby suleqatigalugu qinersisartunik isumasiuisitsineranni tamanna erserpoq.
Skrevet af Louise M. Kleemann
Qinersisartut isumasiorneqarneranni isumasiorneqartut 48 procentiisa Obama USA-mi præsidentissatut qinerusuppaat, 40 procentillu McCain præsidentissatut qinerniarlugu.
Demokraatit præsidentimut qinigassanngortitassartik suli aalajangiutinngilaat, præsidentimulli qinigassanngortinniarluni qineqqusaarnermi Obama Clintonimit taaguunneqarneruvoq.