Angajoqqaat allatut aaqqiisariaqartarput

Taama isumaqarpoq Jens B. Frederiksen, Demokraatineersoq. Siunnersuutigaalu meeqqanik paaqqinninnissamik qularnaveeqqummik qinnuteqarnermiit kingusinnerpaamik qaammatit pingasut kingorna tigusisinnaalernissaq.

Kommunip nittartagaa naapertorlugu Nuup Kommuneani malunnaatilimmik meeraaqqerivinnut utaqqisoqarpoq, tassa ukiup aappaa avillugu ukiulluunniit marluk utaqqisariaqartarput, meeqqerivinnullu ukiup ataatsip missaani. Naalakkersuisut nalunaarput Nuummi meeqqat 306-it utaqqisuniipput.

Siunnersuut Naalakkersuisut itigartippaat, tunngavilersuutigaallu utaqqisut Nuummi taamaallaat taama amerlatiginerat. Nuummilu tallimanik 2014-ip tungaanut meeqqeriviliornissaq pilersaarutaasoq, Naalakkersuisut Jens B. Frederiksenip siunnersuutaanut akissuteqaamminni allapput.