Hurtigruten aningaasarsiornikkut ingerlanerliorpoq
Ajornartorsiulerneq pillugu, aamma ukiumoortumik, Norgemi Narvikimi sapaatip akunnerata tulliani ataatsimeersuartoqassaaq. Umiarsuaatileqatigiiffiup annaateriarnissaa ataatsimiinnermi oqaluuserineqassasoq, norgimiut nittartagaanni Boarding.no-imi allaaserinnittoqarpoq.
Umiarsuaatileqatigiiffik 655 millioni koruuninik ukiut kingulliit pingasut annaasaqarpoq, maannalu akiitsut 4,6 milliardi koruuninngorsimasut oqaatigineeqarpoq.
Aviisimi Lofotpostenimi allaaserinnittoqarpoq, umiarsuit tikittarfii ikilisinniarneqartut.
Aningaasartuutinik ikilisaaneq ilaasartaatip nunatsinni angalaneranut sunniuteqassanngitsoq Ida Lund Winther Hurtigruten-imiit oqarpoq.