Tunup avannaarsuani pinngortitaq pillugu atuagaq saqqummerpoq

Tunup avannaarsuani misissuiffimmi Zackenbergimi ukiut qulit ingerlanerini ilisimatusaatigineqartut atuaganngorlugit saqqummiunneqalerput, avatangiisinik misissuisoqarfik Danmarkimiittoq kiisalu Issittuni pissutsinik ilisimatusarfik, Dansk Polarcenter, saqqummersitsinialermata.
Skrevet af Louise M. Kleemann
30. april 2008 10:24

Silap pissusaata allanngoriartornerata kingunerisaanik pinngortitaq Tunup avannaarsuaniittoq allanngoriartussaaq.

Silaannaq ataatsimut isigalugu 8 gradinik ukiut 100-t ingerlanerini kiatsinnerussasoq misissuinerit takutippaat, tamannalu pinngortitamut kinguneqarnerlutsitsisinnaassasoq ilisimatuut ilimasaarutigaat.

Ilisimatuut 65-it suleqatigiinnerisigut atuagaq saqqummersinneqassaaq, misissuinerit 1995-imiit maannamut ingerlanneqartut inerneri saqqummersinniarneqarmata.

- Silap pissusaata allanngoriartornera Zackenbergimi ukiuni qulini misissuinerit uppernarsisippaat, nunallu tamalaat akornanni oqallinnernut atorneqarsimallutik, Danmarkip ilisimatusarnermut ministeria Helge Sander oqarpoq.

Atuagaq maajip ulluisa tallimaanni saqqummersinneqassaaq, Århusimi ataatsimeersuarnerup ”After the melt”-imik taaguuteqartup nalaani saqqummersitsisoqarniarami.

Læs også

Døgnrapport: Indbrud og flere forsøg på indbrud natten igennem