Immap qaffakkiartornera Danmarkimi ajornarsiutaaleriaannaavoq
-Illut ullumikkut piumaneqarnerpaat tassaapput illut sissamiittut, taama oqarpoq Anders Knapman Næstvedimi illumik tuniniaasoq.
Berlingske Tidende-p ilisimannittunik arlalinnik oqaloqateqarnerani erserpoq Storstrømsamt-imi aamma Jyllandip kitaani kangianilu immap ulinnermi killittarfia qaffakkiartuinnartoq.
København-imi universitetimi silap pissusaanik ilisimatooq Eigil Kaas malillugu immap qaffakkiartorneranut Naalagaaffiit Peqatigiit ilimasaarutai annikippallaarput, taamaattumik imaq ukiuni hornorujuni tulliuttuni ajornarsiutaaleriaannaavoq.
Taamatut pisoqassappat immamut qanittumi illuutillit ulerujussuartarnerni aamma immap qaffakkiartorneranik ajornartorsiuteqalissapput.
Kisianni illunik tuniniaasartut Næstvedimiittut isumaqanngillat ussassaarutit oqaasertaanik allanngortitsinissaq pisariaqartoq.
Pisariaqanngilaq inuit qunusaassallugit, allammi taamaaliortuarput. Kinguaariit pingasut sisamalluunniit ingerlanerini ajornartorsiutinik ajornartorsiutaanngitsunik pilersitsissanngilagut, taama oqarpoq illunik tuniniaasartoq.