Atuartut nakuusertarnerat oqallisigiumavaat
Meeqqat atuarfinni ilinniartitsisut kattuffitsik, IMAK, piumaffigaat, atuarfiit, angajoqqaat inuiaqatigiillu akornanni suleqatigiinnermik pilersitseqataaqqullugu. Siunnersuut akuerineqarpoq sinniisut Ilulissani apriilip 13-ianni 14-iannilu ataatsimiinneranni. Atuarfitsialaap takorluugai siunertaalu tamakkiisumik pivisunngussappata tamanna pisariaqartoq ilinniartitsisut isumaqarput.
Atuartut nakuusertarnerat atuarfiullu malittarisassaannik annertuumik unioqqutitsisarnerat pillugit oqallittoqalertariaqartoq ilinniartitsisut allapputtaaq.
Naak ilinniartitsisutut tunuliaqutarissaaraluarlutik atuartut nakuusertarneri amigartumillu piareersarsimallutik atuariartortarneri soriarsinnaajunnaaqqallugit misigisimasarnertik aamma ilannguppaat. Aamma atuarfiit meeqqanut akisussaasussatut angajoqqaanit isumalluutigineqarpallaalersimasut aallapput.
- Piffissanngorpoq tamatta oqallinnermut peqataalernissarput, Narsap Atuarfiani ilinniartitsisut oqallissaarigaluarlutik ilaatigut taama saqqummiussipput.
