Jørgen Wæver Johansen aamma tunualersaanngilaq
Inatsisartunut ilaasortaq Jørgen Wæver Johansen, Siumut, ullumi oqarpoq, Inatsisartuni ilaasortaq Johan Lund Olsen Inuit Ataqatigiinneersoq assigalugu Inatsisartunut ilaasortaanerminit tunuarniuteqalersaarani, tassa illusisimanernut tunngasut politimesterimit misissorneqarnerisa nalaanni.
- Johan Lund Olsen isumaqatigiinnarsinnaavara aperimmat, eqqartuunneqarsimanani sooq tunuartariaqassanerluni, Jørgen Wæver Johansen oqarpoq.
Inuit Ataqatigiit siulittaasuat Kuupik Kleist oqarpoq, illusisimanerit pillugit Naalakkersuisut politiinut misissueqqusinerat naammagisimaarini.
- Taamatut aalajangerneq alloriarnertut eqqortutut isigaarput, taamaalillunimi eqqartuussisutigut akisussaaffimmik inissiissoqarsinnaalissammat. Tassanngaanniillu ingerlariaqittariaqarpugut, Kuupik Kleist radioaviisimut oqarpoq.