CIA-p isertortumik timmisartuussisarsimanersoq misissorneqarpoq
Danskit naalakkersuisui eqqunngitsunik nalunaaruteqartarsimagunik, nunat tamat isumaqatigiissutaannik unioqqutitsisimassapput
Skrevet af Jaaku Lyberth
Amerikamiut sakkutuui timmisartumik Kalaallit Nunaat, Danmark, Savalimmiullu qulaallugit tigusanik isertortumik timmisartuussisarsimappata, Danmarkillu tamanna akuerisimappagu, danskit naalakkersuisui nunat tamat isumaqatigiissutaannik unioqqutitsimassapput, Nunanut allanut naalakkersuisoq Aleqa Hammond oqarpoq.
Amerikamiut sakkutuuisa tigusanik isertortumik angallassisinaanerannut danskit naalakkersuisui akuersisimanersut misissuiffigineqarpoq, tamannalu Namminersornerullutik Oqartussanit peqataaffigineqarpoq, aasarulu naammassineqartussaasoq, Nunanut allanut naalakkersuisoq,
Aleqa Hammond, oqarpoq.