Eqqartuussissuserisup oqaaseqarnissaa utaqqivaat
Kisianni eqqartuussissuserisoq naalagaaffimmik sullissisartoq nakerisarsiunngitsutut aamma arlaannaannulluunniit attuumassuteqanngitsutut oqaatigineqarsinnaanngilaq.
Demokraatit Inatsisartuni ilaasortaatitaasa eqqartuussissuserisup naalagaaffimmik sullissisartup oqartussaasutut kikkunnulluunniit attuumassuteqanngitsutut ersersinniarneqarnera ajuusaarnartutut isigaat.
- Eqqartuussissuserisoq naalagaaffimmik sullissisartoq apeqqutini inatsisinut tunngassuteqartuni immikkut pisinnaatitaaffeqanngilaq, tassaallunili eqqartuussissuserisut suliffeqarfiat nalinginnaasoq, naalagaaffiup pisortatigoortumik eqqartuussissuserisuatut suliassaqartinneqartoq. Inatsisartut kukkunersiuinermut Ataatsimiititaliaata Nuna Eqqartuussissuserisut kikkunnulluunniit attuumassuteqanngitsumik kiffaanngissuseqartumillu misissuinerat Naalakkersuisut tusaaniartariaqaraluaraat, Demokraatineersoq Jens B. Frederiksen isumaqarpoq.
Misissuisitsinermi taaneqartumi isummiunneqarpoq, Namminersornerullutik Oqartussat illuinnarnik pisortallu illuinik aqqanilinnik kiisalu naalakkersuisunut ilaasortaasimasut illuinik tunisinerat inatsisinik unioqqutitsinerusoq. Tamatuma saniatigut misissuineq alla, tassa Namminersornerullutik Oqartussat namminneq misissuiffiginerat pigineqarpoq. Tassanilu inatsisinik unioqqutitsisoqarsimanngitsoq oqaatigineqarpoq.