Piginneqatigiilluni ingerlatsinissaq naalakkersuisut siunniusimavaat
Namminersornerullutik Oqartussat Alcoa-lu peqatigiillutik erngup nukinga atorlugu nukissiorfimmik, innaallagissap aqqutaanik aatitsivimmillu piginneqatigiilluni ingerlatsinissaq naalakkersuisut innersuussutigaat. Innersuussutigineqartoq naalakkersuisunit ippassaq aalajangiunneqarallarpoq.
Iluaqutaasinnaasut akornutaasinnaasullu missisoqqissaarneqassapput, periarfissanillu allanik assersuusiorneqassalluni.
Sulisitsisut peqatigiiffiata Namminersornerullutik Oqartussat piginneqataanissaat mianersoqqussutigaa tamanna Namminersornerullutik Oqartussanut kinguneqarnerlussinnaammat. Peqatigiiffik isumaqarpoq tamanna aningaasaliinermik ilisimasaqarluartut suliassarigaat kiisalu Namminersornerullutik Oqartussat inuussutissarsiornermi peqataanerat annertoreermat Sulisitsisut peqatigiiffiat isumaqarpoq.
