Galathea 3-imi ilisimatuut angalaqataasut oqalugiassapput
Ilisimatuussutsikkut nunarsuaq tamaat angalaneq Galathea 3 ukiut pingasut matuma siornatigut ingerlanneqartoq pillugu ilisimatuut angalaqataasut tallimanngorpat Købehavn-imi Zoologisk Museum-mimi oqalugiassapput.
Skrevet af Jaaku Lyberth
Pulateriaarsuit immami uumasuusut ulorianartut, saanilorujussuit, arferit erinarsornerat, pinngortitamillu mingutsinneqanngitsumit Kalaallit Nunaata imartaani errorsisimaneq oqaluttuarineqartussat ilagaat.
Kujataani Ikkap kangerluani sukat oqalugiarnermi saqqummiunneqassapput. Ikkap kangerluani sukat akoqarput errorsinermi atorneqartartut assinginik ilaatigut imeq nillertoq atorlugu eqqertitsisinnaasunik.
Ilisimatuut Galathea 3-ip angalaneranni nassaaminnik saqqummersitsiniarput.